تم غریب نہیں ، دولت مند ہو

”بابا پیسہ دے،“ فقیر نے آواز لگائی۔ سننے والے نے دیکھا تو وہ ہاتھ پاؤں کا درست معلوم ہو رہا تھا۔ اس نے کہا: تم کو پیسہ کیوں دیا جائے، فقیر بولا کہ میں غریب ہوں۔ آدمی نے کہا: نہیں تم غریب نہیں ہو، تم بہت دولت مند ہو۔ فقیر نے کہا: یا تو جی مذاق نہ کیجئے، میرے پاس دولت کہاں، میرے پاس تو کچھ بھی نہیں، میں تو بالکل غریب ہوں۔ آدمی نے کہا: اچھا تمہارے پاس جو کچھ ہے مجھے دے دو، میں اس کے بدلے تم کو پچاس ہزار روپے دیتا ہوں۔ فقیر نے اپنی جھولی کندھے سے اتاری اور کہا: میرے پاس تو یہ یہی ہے۔ اس کو آپ لے لیجئے، آدمی نے کہا: نہیں تمہارے پاس اس کے علاوہ بھی بہت کچھ ہے۔ تمھار سے پاس دو پاؤں ہیں ۔ ایک پاؤں تم مجھ کو دے دو اور مجھ سے دس ہزار روپے لے لو۔ فقیر نے دینے سے انکار کیا۔ اب آدمی نے کہا: اچھا تمہارے پاس دو ایک ہاتھ تم مجھ کو دے دو اور مجھ سے ۲۰ ہزار روپے لے لو۔ فقیر نے دوبارہ دینے سے انکار کیا۔ آدمی نے کہا: اچھا تمہارے پاس دو آنکھیں ہیں۔ ایک آنکھ تم مجھ کو دے دو اور مجھ سے ۲۰ ہزار روپے لے لو۔ فقیر نے اب بھی دینے سے انکار کیا۔ آدمی نے کہا: دیکھو تمہارے پاس دو پاؤں، دو ہاتھ اور دو آنکھیں ہیں۔ میں نے صرف ایک ایک کے دام لگائے تو پچاس ہزار روپے ہوگئے، اگر دونوں پاؤں، دونوں ہاتھ اور دونوں آنکھوں کا دام لگایا جائے تو ان کی قیمت ایک لاکھ روپے ہو جائے گی۔ اس کا مطلب یہ ہے کہ یہ جو تمھارے پاس جسم ہے جس میں بے شمار چیزیں ہیں اس کی صرف تین چیزوں کا دام بھی کم سے کم ایک لاکھ روپیہ ہے۔ پھر تم غریب کیسے ہو، تم تو بہت بڑے دولت مند ہو۔ تم بھیک مانگنا چھوڑ دو اور اپنی اس قیمتی دولت کو استعمال کرو۔ تم سے زیادہ کامیاب دنیا میں کوئی نہ ہوگا ۔

انسان کو اللہ تعالیٰ نے بڑی عجیب صلاحیتوں کے ساتھ پیدا کیا ہے۔ عام حالات میں اس کا اندازہ نہیں ہوتا۔ کوئی چیز نہ رہے تو اس وقت معلوم ہوتا ہے کہ وہ کیسی قیمتی تھی۔ جیمز ٹامس دہلی کا ایک مشین آپریٹر ہے۔ اس کی عمر ۲۶ سال ہے۔ بیماری کی وجہ سے اس کے دونوں گردے خراب ہوگئے ۔ اس نے آل انڈیا میڈیکل انسٹی ٹیوٹ میں داخلہ لیا۔ بتایا کہ اس کے لئے زندگی کی صورت صرف یہ ہے کہ کسی شخص سے ایک گردہ بطور عطیہ حاصل کرے، گردہ ایک خالص قدرتی کسی انسانی کارخانہ میں کھرب ہاکھرب روپے خرچ کرکے بھی گردہ بنایا نہیں جاسکتا، تاہم یہ قیمتی گردہ اگر کوئی شخص بطور عطیہ دے دے تو ڈاکٹروں کی فیس اور سرجری کے اخراجات چھوڑنے کے بعد بھی جیمز ٹامس کو ۴۵ ہزار روپے درکار تھے تاکہ یہ گردہ اس کے جسم میں نصب کیا جاسکے (ٹائمس آف انڈیا ۔ جنوری ۱۹۸۰) حقیقت یہ ہے کہ آدمی کے پاس کچھ نہ ہو تب بھی اس کے پاس بہت کچھ ہوتا ہے، یہ جسم اور یہ دماغ جو ہم کو ملا ہوا ہے، یہ تمام قیمتی چیزوں سے زیادہ قیمتی ہے۔ آدمی اگر اپنے جسم ودماغ کی صلاحیتوں کو بھرپور استعمال کرے تو وہ دنیا کی ہر کامیابی حاصل کرسکتا ہے۔ کوئی چیز اس کے لئے ناممکن نہیں۔ اگر آپ کے پاس ہاتھ ہے جس سے آپ پکڑیں اور پاؤں ہے جس سے آپ چلیں، آپ کے پاس آنکھ ہے جس سے آپ دیکھیں اور زبان ہے، جس سے آپ بولیں تو گویا آپ کے پاس سب کچھ ہے۔ کیوں کہ ان کے ذریعہ سے دنیا کی تمام چیزیں حاصل کی جاسکتی ہیں۔ بھی ان کے دائرہ سے باہر نہیں۔

عصری اسلوب میں اسلامی لٹریچر مذہب اور سائنس قرآن کا مطلوب انسان دین کیا هے مذہب اور جدید چیلنج تاریخ کا سبق مکتبہ الرساله - دهلی - ۶ مولانا وحیدالدین خان کے قلم سے ۰ مذہب اور جدید چیلنج ۰ ظہورِ اسلام ۰ دین کیا ہے؟

۰ قرآن کا مطلوب انسان ۰ تجدیدِ دین ۰ اسلام دینِ فطرت ۰ تعمیرِ ملت ۰ تاریخ کا سبق ۰ مذہب اور سائنس ۰ عقلیات اسلام ۰ فسادات کا مسئلہ ۰ انسان اپنے آپ کو پہچان ۵۰ تعارفِ اسلام ۰ اسلام پندرھویں صدی میں ۰ راہیں بند نہیں ۰ دینی تعلیم ۰ ایمانی طاقت ۰ اتحادِ ملت زیر طبع سبق آموز واقعات " اسلامی تاریخ سے " قال الله ۰ اسلامی دعوت ۰ زلزلہ قیامت ۰ سچا راستہ