بلند فکری

جب تیز ہواؤں کا طوفان آتا ہے تو چھوٹی چڑیاں اس کے اندر گھر کر رہ جاتی ہیں۔ مگر جو بڑی چڑیاں ہوتی ہیں، وہ اپنے قوی بازؤوں کے ساتھ اڑ کر اوپر چلی جاتی ہیں۔ اور اس طرح طوفان کے دائرے سے باہر نکل جاتی ہیں۔ اس واقعہ کی روشنی میں یہ امریکی مثل ہے : بگ برڈ آف دی اسٹارم (طوفان کی بڑی چڑیا)

اسی طرح سوچنے کی بھی دو سطحیں ہیں۔ لوگوں کی سوچ ان کے قریبی حالات کے دائرہ میں بنتی ہے۔ ان کا فکر ان کے آس پاس کے واقعات کے گرد گھومتا رہتا ہے۔ وہ جن معاملات میں گھرے ہوئے ہیں ان سے اٹھ کر سوچ نہیں دوسرے لوگ وہ ہیں جو "طوفان کی بڑی چڑیا" کی طرح اپنے قریبی حالات سے اوپر اٹھ جاتے ہیں۔ وہ حالات سے متاثر ہو کر نہیں سوچتے بلکہ حالات سے بلند ہو کر اپنی رائے قائم کرتے ہیں۔

اس دوسرے طرز فکر کو کوئی نام دینا ہو تو شاید یہ کہنا صحیح ہوگا کہ بڑی چڑیا کے انداز پر سوچنا (BIG BIRD THINKING)