انفرادی شکایتوں کو ہر حال میں برداشت کرنا

واثلہ بن اسقع رَضِیَ اللّٰهُ عَنْهُ اسلام کے ارادہ سے اپنے گھر سے نکلے اور مدینہ پہنچے۔ رسول اللہ صلی اللہ علیہ وسلم اس وقت نماز پڑھارہے تھے۔ وہ نماز میں آخری صف میں شامل ہوگئے۔ نماز کے بعد انھوں نے رسول اللہ صلی اللہ علیہ وسلم کے ہاتھ پر بیعت کی۔ کلمہ توحید کے اقرار کے علاوہ آپ نے ان سے حسب ذیل چیزوں کے لئے بیعت لی: تمھارے اوپر اطاعت لازم ہوگی تنگ دستی میں بھی اور آسائش میں بھی۔ پسندیدگی میں بھی اور ناگواری میں بھی۔ اور خواہ تمھارے اوپر دوسروں کو ترجیح دی جائے (عليك الطاعة في عسرك ويسرك، ومنشطك ومکرھک، واثرة عليك ، كنز العمال جلد ۸)