حق کے ساتھ تحقیر کا معاملہ کرنا کبر ہے

ثابت بن قیس بن شماس رضی اللہ عنہ کہتے ہیں کہ رسول اللہ صلی اللہ علیہ وسلم کے سامنے کبر کا تذکرہ ہوا تو آپ نے اس کے بارے میں سخت الفاظ کہے پھر یہ آیت پڑھی : ان الله لا يحب كل مختال فخور (اللہ کسی خود پسند اور بڑائی کرنے والے شخص کو پسند نہیں کرتا)، اس موقع پر ایک شخص نے کہا: خدا کی قسم اے خدا کے رسول میں اپنے کپڑے دھوتا ہوں تو مجھے اس کی سفیدی پسند آتی ہے ۔ مجھے اپنے جوتے کا تسمہ پسند آتا ہے ۔ مجھے اپنے کوڑے کا ٹشن اچھا معلوم ہوتا ہے ۔ آپ نے فرمایا : یہ کبر نہیں ۔ کبر تو یہ ہے کہ تم حق کی ناقدری کرو اور لوگوں کو حقیر جانو ( انما الكبر ان تسفه الحق وتغمط الناس . تفسیر ابن کثیر، جلد ثالث، صفحہ ۷)