ناحق میں کسی کا ساتھ دینا گناہ ہے

واثلہ بن اسقع رضی اللہ عنہ کہتے ہیں کہ میں نے رسول اللہ صلی اللہ علیہ وسلم سے پوچھا کہ عصبیت کیا ہے۔ آپ نے فرمایا: یہ کہ تم ظلم میں اپنے لوگوں کی حمایت کرو (ان تعین قومك على الظلم، أبو داود) ہر ایک کے ساتھ انصاف کرنا خواہ وہ کم زور ہو یا طاقت ور معاویہ بن ابی سفیان نے ضرار بن صہانی سے کہا کہ اے ضرار، مجھ سے علی کی صفت بیان کرو (ریاض الصالحین) اس کے جواب میں انھوں نے جو کچھ کہا، اس کے چند جملے یہ تھے: وہ ہمارے اندر ایک شخص کی مانند تھے۔ کوئی طاقت ور اپنے باطل میں ان سے امید نہ کر سکتا تھا اور کوئی کم زور ان سے عدل پانے میں مایوس نہ ہو سکتا تھا (کان فینا كاحّدنا لا يطمع القوى في باطله ولا ييأس الضعيف من عدله)