سخت بات پر مشتعل نہ ہونا

خلیفہ ثانی عمر بن الخطاب رضی اللہ عنہ نے ایک روز لوگوں کے سامنے کہا کہ تم میں سے جو شخص میرے اندر ٹیڑھ دیکھے تو وہ اس کو سیدھا کر دے۔ یہ سن کر ایک آدمی اٹھا اور کہا : خدا کی قسم اگر ہم تمھارے اندر ٹیڑھ دیکھیں گے تو اس کو ہم اپنی تلوار سے سیدھا کر دیں گے۔ حضرت عمرؓ نے فرمایا : اس خدا کا شکر ہے جس نے امت محمد میں ایسے لوگ بنائے جو عمر کی ٹیڑھ کو تلوار سے سیدھا کر دیں ( (خاطب عمر بن الخطاب اصحابہ ذات يوم فقال : من وجد فی اعوجاجاً فلیقومه، فنهض رجل وقال : والله لو وجد نافيك اعوجاجاً لقومناه بسیفنا - فقال عمر: الحمد لله الذى جعل في امة محمد من يقوم اعوجاج عمر بالسیف)