احادیث

اب ایک سوال ان احادیث کا ہے جو اس سلسلہ میں نقل کی جاتی ہیں اور جن میں صراحۃ ضلَع (پیسلی) کا لفظ آیا ہے ۔ اس سلسلے میں پہلی بات یہ ہے کہ ان احادیث میں آدم و حوا کی تخلیق کا کوئی ذکر نہیں ہے ۔ بلکہ وہ عام عورتوں کے بارہ میں ہیں ۔ یعنی ان احادیث میں ہر ہر عورت کی تخلیقی نوعیت کا ذکر ہے نہ کہ مخصوص طور پر حضرت حوا کی تخلیقی نوعیت کا ذکر ۔ ایک روایت کے الفاظ یہ ہیں :

استوصوا بالنساء خیرا فانھا خلقت من عورتوں کے ساتھ اچھا سلوک کرو۔ کیوں کہ وہ ضلع (التفسیر المظہری)

پسلی سے پیدا کی گئی ہیں ۔

اس کا یہ مطلب نہیں لیا جاسکتا کہ عورت واقعہ پسلی سے پیدا کی گئی ہے ۔ کیوں کہ پورے فقرہ کے ساتھ اس کا کوئی جوڑ نہیں ۔ حدیث کا مدعا عورتوں کے ساتھ اچھے سلوک کی تاکید کرنا ہے۔ لیے اس کی وہی تشریح درست ہوگی جو اس اصل مدعا کے ساتھ مطابقت رکھتی ہو ۔ " عورتیں پسلی سے پیدا کی گئی ہیں " کا فقرہ یہاں مجازی معنوں میں ہے نہ کہ حقیقی معنوں میں۔ اس کا مطلب یہ ہے کہ عورتوں کا معاملہ پسلی جیسا معاملہ ہے ۔ وہ پسلی کی مانند ہیں۔ چنانچہ دوسری روایت میں خود حدیث میں یہ صراحت موجود ہے۔ اس کے الفاظ یہ ہیں :

عن ابی ھریرۃ ان رسول اللہ صلی اللہ حضرت ابو ہریرہ کہتے ہیں کہ رسول اللہ صلی اللہ علیہ وسلم قال : المرأة كالضلع ان اقمتها علیہ وسلم نے فرمایا ۔ عورت پسلی کی مانند ہے۔ كسرْتَھا ( بخاری ، كتاب النکاح - مسلم ، کتاب تم اس کو سیدھا کرو گے تو تم اس کو توڑ دو

بخاری و مسلم کی اس روایت میں واضح طور پر کا لضلع کا لفظ ہے ۔ یعنی یہ کہ عورت پسلی کی مانند ہے نہ یہ کہ وہ خود پسلی سے بنائی گئی ہے ۔ پسلی کی مانند ہونے کا مطلب کیا ہے ، یہ بھی صراحتہ حدیث میں موجود ہے۔ چنانچہ فرمایا کہ اگر تم اس کو سیدھا کرنے کی کوشش کرو گے تو تم اس کو توڑ دو گے ۔

" عورت پسلی سے پیدا کی گئی ہے " اور " عورت پسلی کی مانند ہے " دونوں میں کوئی فرق یہ صرف ادبی اسلوب کا فرق ہے نہ کہ حقیقت کا فرق ۔ ہر زبان میں یہ اسلوب عام ہے کہ جب تشبیہ میں شدت پیدا کرنا مقصود ہو تو " مثل " کا لفظ حذف کر دیتے ہیں ۔ مثلاً ایک شخص کی بہادری بتانے کے لیے کبھی کہا جاتا ہے کہ وہ شیر کی طرح ہے ۔ اور جب اس بات کو زیادہ زور دے کر کہنا ہو تو کہہ دیتے ہیں کہ " وہ شیر ہے "۔ جیسے میر انیس نے کربلا کے میدان کا نقشہ کھینچتے ہوئے کہا ہے :