خلاصه

مارکسی اشتراکیت کے انہدام سے یہ ثابت ہوتا ہے کہ کوئی دشمن مذہب یا دشمنِ اسلام، خواہ وہ کتنا ہی زیادہ طاقت ور ہو، وہ دینِ حق کو کوئی حقیقی نقصان نہیں پہنچا سکتا۔ دینِ حق کی جڑیں فطرت کے نظام میں اتنی گہری ہیں کہ کسی انسانی طاقت کے لیے یہ ممکن ہی نہیں کہ وہ اس کو کوئی ناقابل تلافی نقصان پہنچا سکے ۔ اس کا دوسرا پہلو یہ ہے کہ ہم کو اپنی ساری توجہ ملت کے داخلی استحکام پر صرف کرنا چاہیے۔ داخلی استحکام کی موجودگی میں ہر خارجی طوفان بے اثر رہتا ہے۔ اور جب داخلی استحکام باقی نہ رہے تو اس کے بعد کوئی بھی چیز ملت کو زوال کے انجام سے نہیں بچا سکتی۔