انسانی اقدار

اسلام کا بنیادی عقیدہ توحید ہے، یعنی ایک خدا کو سب کچھ سمجھنا۔ بقیہ تمام چیزیں اسی عقیدے کے ساتھ جُڑی ہوئی ہیں۔ عبادت، اخلاق، معاملات، سب کا سر چشمہ یہی عقیدۂ توحید ہے۔ میں، اسلامی زندگی، خدا رخی زندگی (God-oriented life) کا نام ہے۔

اسلام میں پانچ وقت کی نمازیں فرض ہیں۔ ان نمازوں کے دوران تقریباً تین سو بار اللہ اکبر کہا اس کے علاوہ، بعض نمازوں کے بعد خصوصی تسبیح پڑھی جاتی ہے۔ اس میں بھی بار بار اللہ اکبر کا ذکر کیا جاتا ہے۔ گویا کہ چوبیس گھنٹے کی پوری مدت میں ایک مسلمان جس بات کا سب سے زیادہ ذکر کرتا ہے، وہ اللہ اکبر ہے۔

اللہ اکبر کا مطلب ہے—خدا سب سے بڑا ہے۔ اس طرح، اللہ اکبر میں ایک اور چیز اپنے آپ پوشیدہ ہے، وہ یہ کہ خدا کے سوا جو انسان ہیں، وہ سب کے سب برابر ہیں۔ ان میں سے نہ کوئی انسان بڑا ہے اور نہ کوئی چھوٹا: