دین رحمت

صلح بہتر ہے قرآن میں یہ تعلیم دی گئی ہے کہ نزاع کی صورت میں دونوں فریق آپس میں صلح کر لیا کریں ۔ اور صلح بہتر ہے ، اور حرص انسانوں کی طبیعت میں بسی ہوئی ہے ( النساء : ۱۲۸ ) یہ اصول انسانی زندگی کے تمام معاملات کے لیے ہے ، خواہ اس کا تعلق گھر کے معاملے سے ہو یا باہر کے معاملے سے ۔ خواہ وہ دو آدمیوں کا مسئلہ ہو یا پوری جماعت کا مسئلہ ۔ خواہ وہ قومی ہو یا بین الاقوامی ۔ اجتماعی زندگی کے تمام نزاعی معاملات کا یہی واحد حل ہے ۔ صلح کی قابل عمل صورت صرف ایک ہے ، اور وہ یہ کہ معاملے کے دونوں فریق اسٹیٹس کو ( حالت موجودہ ) پر راضی ہو جائیں ۔ اس میں واحد کا وٹ حرص ہے ۔ معاملے کا ایک یا دوسرا فریق حرص میں پڑ کر اسٹیٹس کو توڑنا چاہتا ہے ، ہر وقت طے ہوئے ہوۓ پر راضی نہ ہو کر وہ مزید کو حاصل کرنا چاہتا ہے جس کے لیے فطری طور پر دوسرا فریق آمادہ نہیں ہوتا ، بس یہی مزاج صلح میں رکاوٹ بن جاتا ہے اور پھر دونوں فریق انتہائی بے فائدہ طور پر لڑائی کو جاری رکھتے ہیں ، یہاں تک کہ وہ اپنے طے ہوئے کو بھی کھو دیتے ہیں ۔ صلح کو اکثر لوگ نزاعی معاملے کی سطح پر جانچتے ہیں ۔ حالاں کہ یہ ایک ثانوی درجے کی چیز ہے۔ زیادہ اہم اور زیادہ قابل لحاظ بات یہ ہے کہ صلح آدمی کے لیے نئے عمل کا دروازہ کھولتی ہے ۔ صلح کے بعد آدمی کو اپنا سفر جاری رکھنے کا راستہ مل جاتا ہے ۔ نزاع کی حالت سفر حیات کو روکتی ہے ، اور صلح کا معاملہ زندگی کے رکے ہوئے سفر کو از سر نو جاری کر دیتا ہے ۔ صلح کوئی پسپائی نہیں ۔ صلح دراصل پریکٹیکل وزڈم ( عملی حکمت ) کا دوسرا نام ہے ۔ صلح حقیقت واقعہ کا اعتراف ہے ۔ صلح کا مطلب جذباتی مواقع پر غیر جذباتی فیصلہ لینا ہے ۔ صلح یہ ہے کہ نزاعی معاملات میں آدمی انانیت کا شکار نہ ہو ۔ وہ کسی چیز کو اپنے لیے پریٹیج ایشو ( ساٹھ کا مسئلہ ) نہ بنائے ۔ وہ ہمیشہ تدبر اور انضباط کا طریقہ اختیار کرے نہ کہ جذباتیت اور اشتعال کا ۔ ٹکراؤ عمل کا دروازہ بند کرنے والا ہے اور صلح عمل کا دروازہ کھولنے والا ۔