خبر ن1۔ جولائیمه اسلامی مرکز

خبر ن1۔ جولائیمه اسلامی مرکز

ا جولائی ۱۹۸۸ء کو الاہمپور (ملیشیا) میں اسلامائزیشن آف نالج کے عنوان پر ایک انٹرنیشنل سیمنار ہوا۔ مارچ ۱۹۸۸ء میں مولانا وحید الدین خاں صاحب ایک سفر کے دوران ریاض میں تھے وہاں مذکورہ سمینار کے دو ذمہ دار (ڈکستور احمد توٹو بھی اور ڈاکٹر طہٰ جابر العلوانی) مولانا موصوف سے ملے اور کوالا لمپور کے سمینار میں شرکت کی خصوصی دعوت دی۔ اس کے بعد اس کے واشنگٹن کے دفتر سے باقاعدہ دعوت نامہ موصول ہوا۔ اس کے بعد مولانا موصوف مذکورہ سمینار میں شریک ہوئے۔ اس سفر کی مفصل رو داد علیحدہ مضمون میں شائع کی جارہی ہے۔ اس موقع پر مولانا موصوف نے ایک مقالہ (انگریزی زبان میں پیش کیا۔ یہ مقالہ (اردو میں) الرسالہ نومبر ۱۹۸۸ء میں شائع ہو چکا ہے۔ اس سمینار کی میزبانی کے فرائض حکومت ملیشیا نے انجام دئے۔ اس سلسلہ میں حکومت ملیشیا کی طرف سے مولانا موصوف کے نام جو خط موصول ہوا ہے اس کی نقل مقابل کے صفحہ پر دی جارہی ہے۔ اس سمینار کی خاص اہمیت یہ ہے کہ یہ ”سیاست سے واپسی کی ایک علامت ہے۔ مسلم ملکوں کے نوجوان جو اس سے پہلے سیاسی ٹکراؤ کو دینی کام سمجھتے تھے اب وہ سنجیدگی کے ساتھ یہ سوچنے لگے ہیں کہ سب سے پہلا ضروری کام فکری انقلاب ہے۔ اس کے بعد ہی کسی دوسرے انقلاب کی طرف سفر شروع کیا جا سکتا ہے۔

۲۔ اسلامی مرکز کے مشن سے وابستہ افراد نے بعض مقام پر ایک خاص دعوتی پرو گرام شروع کیا ہے۔ اس کو وہ ” لاؤڈ اسپیکر پروگرام“ کہتے ہیں۔ یہ پروگرام وہ زیادہ تر مسجد میں کرتے ہیں۔ الرسالہ یا کسی کتاب سے مناسب مضمون کا انتخاب کر لیا جاتا ہے۔ اور اس کو لاؤڈ اسپیکر پر پڑھ کر سنایا جاتا ہے۔ یہ کام خاص طور پر آغاز سحر کے وقت کیا جاتا ہے جب کہ ہر طرف سناٹا ہوتا ہے اور پڑھنے والے کی آواز دور دور تک سنائی دیتی ہے۔ یہ پروگرام خدا کے فضل سے مفید ثابت ہو رہا ہے۔ اس کو دوسرے مقامات پر بھی حسب حالات شروع کیا جا سکتا ہے۔

۳۔ ۴ اکتوبر ۱۹۸۸ء کو اسلامی مرکز میں نکاح کی ایک تقریب ہوئی۔ یہ ثانی اثنین خاں منیجر الرساله) کے نکاح کی تقریب تھی۔ تقریب بالکل سادہ طور پر انجام پائی۔ کسی بھی قسم کا کوئی اہتمام نہیں کیا گیا۔ فوری طور پر کچھ قریبی لوگوں کو بلا کر بس نکاح پڑھا دیا گیا۔ لوگ اس اسلامی سادگی کو دیکھ کر بے حد متاثر ہوئے۔ حاضرین میں سے بعض لوگ اسی وقت الرسالہ کے خریدار بن گئے جو کہ اس سے پہلے اس کے خریدار نہیں تھے۔