تعمیر ملّت

آج ساری دنیا میں مسلمانوں کی تصویر یہ ہے کہ وہ علوم و فنون میں پیچھے ہیں۔ جدید دنیا کا کوئی بھی شعبہ ایسا نہیں ہے جس میں انہیں ستون کی حیثیت حاصل ہو۔ وہ آج ایک جھگڑا فساد کرنے والی قوم ہیں۔ وہ دادا گیری، اسمگلنگ ، دہشت پسندی ، سیاسی توڑ پھوڑ میں نام پیدا کیے ہوئے ہیں۔ ان کے متائین خیالی شاعری اور پرجوش خطابت کا تحفہ دنیا کو پیش کر رہے ہیں۔ مسلمان آج کی دنیا میں صرف لینے والی قوم بنے ہوئے ہیں، وہ آج کی دنیا میں دینے والی قوم نہ بن سکے۔ ایسے بے فیض لوگوں کے لیے خدا کا قانون یہی ہے کہ انہیں دنیا میں کبھی عزت کا مقام نہ ملے۔ یکم جنوری ۱۹۸۶