کاروان ملت

اردو اگرچہ اب بھی اس ملک میں باقی ہے اور ان شاء اللہ ہمیشہ باقی رہے گی۔ مگر یہ ایک واقعہ ہے کہ داعی اور مدعو کے درمیان رابطہ کی زبان کی حیثیت سے اس کی سابقہ اہمیت ختم ہوچکی ہے۔ اب مسلمانوں کو ماضی کا نوحہ کرنے کی ضرورت نہیں۔ اب انہیں یہ کرنا ہے کہ ملک کی قومی زبان نیز علاقائی زبانوں کو سیکھیں۔ تاکہ اردو کی سطح پر جو رشتہ ختم ہوگیا ہے اس کو دوسری زبانوں کی سطح پر دوبارہ حاصل کیا جاسکے۔ یہی ماضی کی غلطی کی واحد تلافی ہے۔ مسلمانوں کو بین اقوامی زبان بھی سیکھنا ہے اور اسی کے ساتھ ملکی اور قومی زبان بھی۔ اس طرح وہ موجودہ دنیا میں اپنی ذمہ داریوں کو ادا کرسکتے ہیں۔ اور آج کی دنیا میں ایک داعی گروہ کی حیثیت سے نمایاں ہو سکتے ہیں۔