غیر مسلموں میں تبلیغ

یہ دونوں کام کوئی ایک شخص یا گروہ انجام نہیں دے سکتا جو کچھ ممکن ہے وہ صرف یہ کہ دونوں ایک دوسرے کو تسلیم کریں ، دونوں ایک دوسرے کے مشورے سے اپنے امور انجام دیں اور دونوں کم از کم انفرادی سطح پر، ایک دوسرے سے تعاون کو گوارا کرتے رہیں۔ بجلی پاور ہاؤس میں پیدا کی جاتی ہے اور مشینیں لوہے کے کارخانوں میں ، مگر دونوں اس بنیاد پر کام کرتے ہیں کہ دونوں کو ایک جگہ ملنا ہے ، اسی ملنے میں ساری برکت ہے اور اسی سے دونوں کی معنویت پوری طرح نمایاں ہوتی ہے اس قسم کا ذہنی اتحاد اگر امت کے اندر پیدا ہو جائے تو اس کے عظیم نتائج برآمد ہوں گے۔ حتیٰ کہ ہم دیکھیں گے کہ احیائے اسلام کا وہ خواب مہینوں اور سالوں میں واقعہ بن رہا ہے جس کا ہم صدیوں سے ناکام انتظار کر رہے ہیں۔ (۱۳۸۶ھ)