الرساله فورم

الرساله فورم

۲۴-۲۳ اکتوبر ۱۹۹۲ کو بھوپال میں علماء اور دانشوروں کا کل ہند اجتماع ہوا۔ اس اجتماع میں اتفاق رائے سے طے کیا گیا کہ الرساله مشن کے تحت ایک الرساله فورم قائم کیا جائے ۔ اس کا مرکز دہلی میں ہو اور اس کی شاخیں ملک کے ہر شہر اور قصبہ میں قائم کی جائیں ۔ الرساله فورم ایک غیر سیاسی فورم ہے۔ اس کا مقصد یہ ہے کہ تعمیری مزاج اور صحت مند سوچ رکھنے والوں کا حلقہ بنایا جائے ۔ وہ ہر مسئلہ میں مثبت اقدامات کرنے کی کوشش کریں کہ اجتماعی معاملات میں ٹکراؤ نہ ہو اور پرامن دائرہ میں مسئلہ کو حل کیا جا سکے ۔ اس نمائندہ اجتماع نے تمام تعمیر پسند افراد سے اپیل کی ہے کہ وہ ہر مقام پر فورم بنائے اور مرکز دہلی سے اس کا الحاق کر کے اپنے اپنے یہاں یہ کام علی طور پر شروع کر دیں ۔ الرساله فورم حسب ذیل دائروں میں کام کرے گا ۔ ا۔ دین حق کو حکمت اور موعظت حسنہ کے ذریعہ مؤثر اسلوب میں عام لوگوں تک پہنچانا ۔ ۲۔ لوگوں میں اخلاقی بیداری لانا اور انسانیت دوستی کا مزاج پیدا کرنا ۔ ۳۔ لوگوں کو صدق وصحیح تعلیم یافتہ بنانے کی کوشش کرنا ۔

۴۔ معاشی حالت کو درست کرنے کی تدبیر اختیار کرنا ۔

۵۔ لوگوں میں یہ مزاج پیدا کرنا کہ وہ اختلاف کے باوجود متحد ہو کر رہ سکیں ۔ ۶۔ باہمی جھگڑوں کو سمجھا بجھا کر ختم کرنا ۔

۷۔ اپنے پڑوسیوں اور ہم وطنوں کے ساتھ مل جل کر رہنے کی تربیت کرنا ۔ ۸۔ فضول خرچی کوروکنا اور سادہ زندگی کو رواج دینا۔

۹۔ احتجاجی سیاست کے بجائے تعمیری سیاست کو فروغ دینا ۔

۱۰۔ ہندو مسلم تعلقات کو بڑھانا اور باہمی اشتراک کی صورتیں اختیار کرنا ۔ ۱۱۔ فرقہ وارانہ مسائل میں جذباتی قیادت کی جگہ حقیقت پسندانہ قیادت وجود میں لانا۔ اور پریس اور پلیٹ فارم کی سطح پر مسلمانوں کی نمائندگی کو نیا تعمیری رخ دینا ۔