پیغمبر آخرالزمان کا ظہور

کہ پھر فتنہ ہو جائے اور دین غیر اللہ کے لیے ہو جائے۔ عمار بن سلمہ کی ایک روایت ہے ، وہ کہتے ہیں کہ دان سے لڑنے کے لیے کہا گیا ، تو انھوں نے فرمایا کہ میں اور میرے اصحاب لڑے ۔ یہاں تک کہ دین اللہ کے لیے ہو گیا۔ اور شرک چلا گیا ۔ اور فتنہ باقی نہ رہا ۔ مگر تمھارے ساتھی جنگ کر رہے ہیں تاکہ دوبارہ فتنہ پیدا ہو اور دین غیر اللہ کے لیے ہو جائے ۔ ضحاک نے کہا کہ عبداللہ بن عباس نے آیت ( لا تکون فتنة) کی تفسیر لا يكون شرك سے کی ہے ۔ یہی قول ابو العالیہ ، مجاہد ، الحسن ، قتادہ ، الربیع ، ابن انس ، السدی ، مقاتل بن حیان اور زید بن اسلم کا بھی ہے ۔ محمد بن اسحاق کہتے ہیں کہ مجھ کو الزہری اور دوسرے علماء سے یہ بات پہنچی ہے کہ : حتیٰ لا تکون فتنة کا مطلب یہ ہے کہ : حتى لا يفتن مسلم عن دینہ (یہاں تک کہ کوئی مسلمان اپنے دین کے بارے میں آزمائش میں نہ ڈالا جائے)۔ تفسیر ابن کثیر ، الجزو الثانی ، صفحہ ۳۰۹ - ۳۰۸ معجزہ نہ کہ نمونہ پیغمبر اسلام صلی اللہ علیہ وسلم کے ذریعہ شق القمر کا واقعہ پیش آیا ۔ کوئی مسلمان اس کی بنیاد پر یہ نہیں کہتا کہ چاند کو دو ٹکڑے کرنا امت محمدی کا مشن ہے ۔ اور ہم کو یہ کوشش کرنا چاہیے کہ ہم دوبارہ چاند کو دو ٹکڑے کر کے لوگوں کے اوپر اپنے دین کی حقانیت ثابت کریں ۔ اس کے برعکس روم و ایران کے خلاف آپ نے اور آپ کے اصحاب نے جو لڑائیاں کیں ، اس کو مسلمان اپنے لیے نمونہ سمجھتے ہیں۔ مسلم مفکرین یہ کہتے ہیں کہ اسی طرح ہمیں ہر دور کے " روم و ایران " سے ٹکرا کر ان کا خاتمہ کرنا چاہیے ۔ دو واقعات کی تعبیر میں اس فرق کا سبب یہ ہے کہ شق القمر کا واقعہ فوق الطبیعی سطح پر ہوا، اور روم و ایران کی شکست طبیعی سطح پر انجام پائی ۔ مگر حقیقت یہ ہے کہ جس طرح پہلا واقعہ ایک معجزہ تھا ، اسی طرح دوسرا واقعہ بھی ایک معجزہ ہے ۔ چنانچہ قرآن میں ارشاد ہوا ہے : قاتلوهم يعذبهم الله بأيدیکم ۔ یعنی ان سے جنگ کرو ، اللہ تمھارے ہاتھوں سے ان کو عذاب دے گا ( التوبہ ۱۴) یہ آیت براہ راست طور پر بنو اسماعیل سے متعلق ہے اور بالواسطہ طور پر روم و