مولانامودودی کا لٹریچر

مولانامودودی کا لٹریچر مولانامودودی کی غلطی اپنے انتہائی مفہوم میں اُن لوگوں سے مشابہ نہیں ہے جو دین میں کسی جزو کی کمی (مثلاً سنت کا انکار یا دین میں کسی جزو کی زیادتی (مثلاً نئی نبوت کا دعویٰ) کا ارتکاب کرتے ہیں۔ اُن کی اصل غلطی یہ ہے کہ اُن کے ذہن میں دین کا فلسفہ بدل گیا۔ بقیہ خرابیاں جو اُن کے یہاں نظر آتی ہیں وہ سب اسی ایک غلطی کا شاخسانہ ہیں۔ اگر کوئی شخص یہ نظریہ بنائے کہ " زندگی کا مقصد پیسہ کمانا ہے" تو اپنے اس قول سے وہ زندگی کے تمام لوازم اور اُس کے متعلقات کا انکار نہیں کر دے گا۔ اور نہ اُن میں کمی بیشی کا مجرم ہوگا۔ اپنی ذات سے لیکر مذہب و اخلاق اور سماج تک ہر ایک سے اُس کا تعلق باقی رہے گا۔ البتہ تعلقات کے بارے میں اُس کا نقطہ نظر بدل جائے گا۔ اپنی ذات کے تقاضے وہ اس لئے پورے کرے گا تاکہ اُس کو خوب کمانے کے قابل بنائے رکھے سماجی تعلقات کی اہمیت اُس کے نزدیک اس اعتبار سے ہوگی کہ اس طرح لوگوں سے منفعت حاصل کرنے میں مدد ملے گی، صدقات و خیرات کا محرک کاروبار میں برکت حاصل کرنا ہو گا وغیرہ وغیرہ۔ کچھ ایسی ہی نوعیت مولانامودودی کی غلطی کی بھی ہے۔ اُن کے مخصوص ذہن نے سیاست کو دین میں مرکزی مقام دیدیا اور دین کو سیاسی طور پر غالب کرنا ان کو وہ نصب العین نظر آیا جو اللہ تعالیٰ نے اپنے مومن بندوں کے سپرد کیا ہے۔ اس کا قدرتی نتیجہ