خاتمہ

ذہنیت کام کرتی ہے پگھلے ہوئے مادہ کو ایک سانچہ میں ڈال کر ہمیشہ یکساں نتیجہ کی اُمید کی جاسکتی ہے ۔ ایک کارخانہ سے نکلے ہوئے خوردبینی شیشے کسی چیز کو ہمیشہ ایک رنگ میں دیکھتے ہیں مگر انسان کا معاملہ اس سے مختلف ہے ۔ انسان کے سلسلے میں بڑی مشکل یہ ہے کہ دلیل اور منطق سے ثابت کر لینے کے بعد بھی آپ یہ یقین نہیں کر سکتے کہ دوسرے شخص کو بھی وہ ضرور ثابت شدہ نظر آئے گی ۔ دوسرے لفظوں میں انسان کی آنکھ ایک ایسی پیچیدہ چیز ہے کہ ایک ہی چیز کو ایک شخص کی آنکھ سفید شکل میں دیکھتی ہے اور وہی چیز دوسرے کو کالی نظر آتی ہے ۔ اس کی وجہ یہ ہے کہ کسی بات کی نوعیت کو سمجھنے یا اس سے متعلق رائے قائم کرنے میں آدمی کا اپنا نقطہ نظر کام کرتا ہے ۔ جب آدمی کسی چیز کو پڑھتا ہے تو وہ بالکل معروضی طور پر اور مجرد شکل میں اس کو نہیں پڑھتا، بلکہ اپنی ذہنیت کے دھندلکے میں پڑھتا ہے ، نتیجہ یہ ہوتا ہے کہ وہ اس چیز کو مجرد شکل میں نہیں بلکہ اپنی ذہنیت کے ڈھانچہ میں دیکھتا ہے ۔ یہی وجہ ہے کہ دو ذہنیت رکھنے والے ایک ہی چیز کے بارہ میں دو رائے قائم کرتے ہیں ۔ یہاں میں ایک مثال دیتا ہوں جس سے اس خیال کی وضاحت ہوتی ہو ۔ میں نے اپنی کتاب ” علم جدید کا چیلنج “ کے دیباچہ میں ایک مقام پر مولانا