آغازِ کلام

کو پڑھ کر اور مسلم معاشرہ کے ماحول سے متاثر ہو کر ہم نے یہ سمجھ لیا تھا کہ اس ملک میں ہمارے لئے کام کرنے اور ترقی کرنے کے مواقع نہیں ہیں۔ اس کے بعد ان میں سے ایک شخص کو راہیں بند نہیں نامی پمفلٹ ملا۔ اس کو پڑھ کر اس کا ذہن بدل گیا۔ اس نے یہی پمفلٹ اپنے ساتھی کو پڑھنے کے لئے دیا۔ اس کا ذہن بھی اس کو پڑھنے کے بعد بالکل بدل گیا۔ اب یہ دونوں الرسالہ کے مستقل قاری بن چکے ہیں اور نے حوصلہ کے ساتھ زندگی کے میدان میں جد و جہد کر رہے ہیں۔ اللہ کا شکر ہے کہ اس طرح ہزاروں نوجوان ہیں جن کو الرسالہ کی تحریک نے نئی زندگی دی ہے۔ ۷ اگست ۱۹۸۹ دو صاحبان ملاقات کے لئے۔ دونوں دار العلوم دیو بند کے فارغ التحصیل تھے۔ ان سے گفتگو کے دوران میں نے کہا کہ قرآن ہمارے اندر یہ ذہن بنانا چاہتا ہے کہ ہم عصر میں تیسیر کو دیکھیں ۔ مگر موجودہ زمانہ میں ہمارے علماء اس کا ثبوت نہ دے سکے۔ میں نے کہا کہ ہمارے علماء فخر کے ساتھ کہتے ہیں کہ انگریزوں نے پروفیسر آرنلڈ کے ذریعہ کتاب پریچنگ آف اسلام (۱۸۹۶) لکھوائی تاکہ مسلمانوں کے عمل کا رخ سیاسی جہاد سے ہٹا کر دعوت و تبلیغ کی طرف موڑ دیں۔ مگر علماء اس وقت اس سے متاثر نہیں ہوئے۔ اسی طرح ۱۹۳۰ میں انگریزوں نے علماء کو یہ پیش کش کی کہ دہلی میں صفدر جنگ مقبرہ کا پورا علاقہ، جو کئی کلومیٹر میں پھیلا ہوا ہے، آپ لوگوں کو دے دیا جائے گا۔ یہاں آپ لوگ تعلیم و تبلیغ کا ادارہ قائم کریں اور سیاست سے الگ ہو جائیں۔ مگر علماء نے اس پیش کش کو حقیر سمجھ کر نقر اندار کر دیا اور بدستور انگریز کے خلاف سیاسی لڑائی میں مشغول رہے۔ میں نے کہا کہ اگر ان علماء نے قرآن و سنت کا گہرا مطالعہ کیا ہوتا تو وہ اس کو عین اسلام کے حق