حدیث رسول

عبد اللہ بن مسعود رضی اللہ عنہ کہتے ہیں کہ رسول اللہ صلّی اللہ علیہ وسلّم نے فرمایا کہ جو شخص وہاں اچھی نماز پڑھتا ہے جہاں لوگ اس کو دیکھ رہے ہوں اور جب تنہائی میں نماز پڑھتا ہے تو بری طرح پڑھتا ہے تو یہ توہین ہے جو اس شخص نے اپنے رب کے حق میں کی۔ 11 عَنْ مِقْدَادٍ ، قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا رَأَيْتُمُ الْمَدَاحِينَ فَاحْثُوا فِي وُجُوهِهِمُ التَّرَابَ (مسلم) مقداد رضی اللہ عنہ کہتے ہیں کہ رسول اللہ صلّی اللہ علیہ وسلّم نے فرمایا۔ جب تم تعریف کرنے والوں کو دیکھو تو ان کے چہرے پر خاک ڈال دو۔ 12 عَنْ أَنَسِ بْنِ مَالِكٍ ، قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ اللَّهُ أَفْرَحُ بِتَوْبَةِ عَبْدِهِ مِنْ أَحَدِكُمْ سَقَطَ عَلَى بَعِيرِهِ وَقَدْ أَضَلَّهُ فِي أَرْضِ فَلَاةٍ (بخاری ومسلم) انس بن مالک کہتے ہیں کہ رسول اللہ صلّی اللہ علیہ وسلّم نے فرمایا کہ اللہ اپنے بندے کی توبہ پر اس سے زیادہ خوش ہوتا ہے جتنا تم میں کا کوئی شخص صحرا میں اپنا اونٹ کھودے ، اور پھر اچانک وہ اپنے کھوئے ہوئے اونٹ کو وہاں پالے۔ 13 عَنْ مُعَاذِ بْنِ جَبَلٍ أَنَّهُ قَالَ حِينَ بَعِثَ إِلَى الْيَمَنِ : يَا رَسُولَ اللَّهِ أَوْصِنِي قَالَ أَخْلِصْ دِينَكَ يَكْفِكَ الْعَمَلُ الْقَلِيلُ (مستدرك، ترغيب وتهريب) معاذ بن جبل رضی اللہ عنہ کہتے ہیں کہ جب وہ یمن کے حاکم بنا کر وہاں بھیجے گئے تو انھوں نے کہا کہ اے خدا کے رسول مجھے کچھ نصیحت کیجئے۔ آپ نے فرمایا کہ اپنے دین کو خالص رکھو، تمہارا تھوڑا عمل بھی تمہارے لیے کافی ہو جائے گا۔