پتھر سے پانی

ایک عالمِ نفسیات کا قول ہے کہ جب کسی شخص کی خودی کو چھیڑا جائے تو وہ بر تر خودی میں تبدیل ہو جاتی ہے اور اس کا نتیجہ فساد ہوتا ہے : حقیقت یہ ہے کہ ہر آدمی کے اندر ایک ”شیطان“ موجود ہے ۔ عام حالات میں وہ سو یا رہتا ہے ۔ آپ کی عقل مندی یہ ہے کہ آدمی کے اس شیطان کو سویا رہنے دیں۔ لیکن اگر آپ نے نادانی کی تو اس کا شیطان جاگ اٹھے گا اور پھر وہ آپ کے خلاف وہ سب کچھ کر ڈالے گا جو اس کے بس میں ہے ۔ اس قسم کی نادانی کا خمیازہ آدمی کو ہمیشہ بھگتنا پڑتا ہے ، خواہ اس نے یہ نادانی کسی غیر قوم کے فرد کے ساتھ کی ہو یا خود اپنی قوم کے فرد کے ساتھ ۔ حتیٰ کہ اپنے بھائی یا رشتہ دار سے بھی اگر آدمی ایسی نادانی کرے اور اس کے سوئے ہوئے شیطان کو جگہ دے تو اس سے بھی اس کو وہی سب بھگتنا پڑے گا جو عام حالات میں اس کو صرف غیروں سے بھگتنا پڑتا ہے ۔