عمل کا رخ

جائے تو اس کے بعد اس کا ذہن مزید طاقت کے ساتھ متحرک ہو کر اپنے آپ مسئلہ کو حل کرلے گا۔ عصر کے ساتھ تیسیر ایک بار کا واقعہ ہے ۔ میں مسلمانوں کے ایک اجتماع میں شریک ہوا۔ یہ اجتماع شہر کے ایک شاندار ہال میں کیا گیا تھا۔ بے ریش اور باریش مسلمانوں سے ہال کی کرسیاں بھری ہوئی تھیں ۔ اجتماع کا پروگرام قرأت سے شروع ہونے والا تھا۔ مگر عین وقت پر معلوم ہوا کہ کوئی قاری یا حافظ اجتماع میں موجود نہیں ہے۔ چنانچہ کالج کے ایک استاد اسٹیج پر آئے۔ انھوں نے پارہ عم سے دو سورتیں سادہ طور پر پڑھ کر سنائیں ۔ سورہ والضحی اور سورہ الم نشرح۔ اس ابتدائی کارروائی کے بعد تقریریں شروع ہوئیں ۔ ایک کے بعد ایک لوگ اسٹیج پر آنا شروع ہوئے ۔ لوگوں کی پر جوش تقریروں سے ہال گونجنے لگا۔ تمام تقریروں کا خلاصہ صرف ایک تھا ۔ اسلام آج مخالفانہ سازشوں سے گھرا ہوا ہے۔ مسلمانوں کے دشمن ان کو فنا کر دینے پر تلے ہوئے ہیں ۔ اسلام اور مسلمانوں کو آج ہر طرف تعصب ، ظلم ، سازش اور عناد کا سامنا ہے ۔ اسی قسم کی باتوں پر اجتماع شروع ہوا اور اسی قسم کی باتوں پر آخر کار وہ ختم ہو گیا ۔ آخر میں میں مائک پر آیا ۔ میں نے کہا کہ آپ حضرات نے اغیار کے خلاف تقریریں کی ہیں ، مگر مجھے خود آپ کے خلاف بولنا ہے۔ آپ کو دوسروں سے شکایت ہے مجھے خود آپ سے شکایت ہے۔ آپ نے اپنا یہ اجتماع اگر چہ قرآن کی تلاوت سے شروع کیا۔ مگر یہ تلاوت محض رسمی تھی ، بلکہ وہ قرآن کی نفی کے ہم معنی تھی۔ آپ لوگوں نے قرآن کو پڑھ کر قرآن کے خلاف عدم اعتماد کا اظہار کیا ہے۔ آپ نے اپنے اجتماع کے آغاز میں سورہ الم نشرح کی تلاوت کی۔ اس سورہ میں اللہ تعالیٰ نے تکرار کے ساتھ اعلان کیا ہے کہ مشکل کے ساتھ ہمیشہ آسانی ہوتی ہے، مشکل کے ساتھ ہمیشہ آسانی ہوتی ہے (فان مع العسر یسراً ، ان مع العسر یسراً)