خاتونِ اسلام

زمین پر جو بے مثال توازن قائم ہے اس کی ایک عجیب مثال وہ ننھی مخلوقات ہیں جن کو کیڑے مکوڑے کہا جاتا ہے، یہ کیڑے مکوڑے انسان کی طرح پھیپھڑے نہیں رکھتے۔ وہ نالیوں کے ذریعہ سانس لیتے ہیں۔ جب یہ کیڑے بڑے ہوتے ہیں تو ان کی یہ نالیاں ان کے جسم کی نسبت سے نہیں بڑھتیں۔ یہی وجہ ہے کہ کوئی کیڑا انچوں سے زیادہ آگے نہیں بڑھتا۔ اپنے اس ڈھانچہ کی وجہ سے کبھی کوئی کیڑا بڑے سائز کا نہیں ہوا۔ اسی نظام نے کیڑوں کو اس سے روکا کہ وہ دنیا پر چھا جائیں۔ اگر یہ طبعی روک نہ ہوتا تو زمین پر انسان کا وجود نا ممکن ہو جاتا۔ ایسے انسان کا تصور کیجیے جس کا مقابلہ ایسی بھڑ سے ہو جو شیر کے قدر بڑی ہو یا ایک ایسی مکڑی جو بڑھ کر عظیم الجثہ جانور کی مانند ہو گئی ہو: بعض لوگوں نے دنیا کے اس نظام پر اعتراض کیا ہے۔ مثلاً ایک مغربی مصنف نے لکھا ہے کہ زمین کی کشش ضرورت سے زیادہ ہے۔ چنانچہ دس کلو کا وزن لے کر چلنا بھی زمین کے اوپر مشکل ہو جاتا ہے۔ اگر زمین کی کشش کم ہوتی تو ہم دس کلو کا وزن با آسانی لے