معرفت الہی

محدود ذہن ہے۔ اس کے باوجود انسان کو یہ کرنا ہے کہ وہ لامحدود خدا کی معرفت حاصل کرے۔ معرفت کا معاملہ اصلاُ یہی ہے کہ ایک محدود ہستی، ایک لامحدود ہستی کو دریافت کرے اور کامل یقین کے ساتھ اس کو مان لے۔ یہی معرفت ہے۔ اس مرحلے کو پار کئے بغیر کسی کو معرفت کا کریڈٹ ملنے والا نہیں۔ خدا کی دریافت (discovery of God) کا معاملہ دوسری چیزوں کی دریافت سے مختلف ہے۔ مثلاً قوت کشش (gravity) بھی ایک دریافت کا موضوع ہے، لیکن یہ دریافت صرف ایک علمی دریافت ہے، اس کی بنیاد پر کسی کو ابدی انعام ملنے والا نہیں۔ لیکن خدا کی دریافت کے ساتھ ایک عظیم انعام جڑا ہوا ہے۔ خدا کی دریافت کرنے والے کے لیے یہ مقدر ہے کہ اس کو ابدی جنت میں داخلہ ملے۔ اس لیے خدا کی دریافت کی ایک قیمت رکھ دی گئی۔ اس قیمت کو ادا کئے بغیر کسی کو خدا کی دریافت کا کریڈٹ نہیں مل سکتا۔ وہ قیمت یہ ہے کہ آدمی محدود ذہن کے ساتھ لامحدود کا احاطہ کرے، وہ عالم مشاہدہ (seen world) میں غیر مشہود خدا (unseen God) کو دریافت کرلے۔ اسی دریافت کا نام معرفت ہے، اور جنت کی قیمت یہی معرفت ہے۔ خاموشی اور معرفت پیغمبرِ اسلام صلی اللہ علیہ وسلم کے بارے میں آتا ہے کہ: کان رسول الله صلى الله عليه وسلم طویل الصَّمت (مسند احمد، حدیث نمبر 20311) یعنی رسول اللہ صلی اللہ علیہ وسلم اکثر خاموش رہتے تھے۔ حدیث کی کتابوں میں خاموشی (silence) کی اہمیت کے بارے میں بہت سی روایتیں آئی ہیں۔ مثلاً: عليكم بالصّمت (الدارمی، حدیث نمبر 2440) یعنی تم لوگ خاموشی کو لازم پکڑو۔ فليقل خيراً أو ليصمت (مسند احمد، حدیث نمبر 6621) یعنی مومن کو چاہیے کہ وہ بہتر بات بولے یا وہ خاموش رہے۔