مارکسزم کی نظریاتی ناکامی

فوجی قانون پاس کرائے۔ انہوں نے مزدوروں کی مخالفت کی۔ وہ سرمایہ داروں کے ڈھنڈ ورچی اور غلام بن گئے۔ ان واقعات نے مارکسی تجزیے کو بے معنی بنا دیا۔ دنیا کے مزدور تمام دنیا کے سرمایہ داروں کے خلاف متحدہ محاذ بنانے کے بجائے ہر ملک میں اپنے سرمایہ داروں کے ساتھ ہو گئے تھے۔ اس کے صریح معنی یہ تھے کہ اقتصادی لائنوں پر تاریخ کے لازمی سفر کا جو نظریہ پیش کیا گیا تھا وہ صحیح نہ تھا۔ چنانچہ اس کی توجیہہ کے لیے مارکسیوں نے اعلان کیا کہ بیسویں صدی کے آغاز کے ساتھ سرمایہ داری نظام میں چند خاص تبدیلیاں آگئی ہیں۔ لینن نے اپنی مشہور کتاب ”ایمپر یلزم“ میں بہت سے اعداد و شمار اور معلومات جمع کیں اور ثابت کیا کہ یہ سرمایہ داری نظام کا ”سامراجی دور“ ہے جو ۱۹۰۰ کے لگ بھگ سے شروع ہوتا ہے۔ اس نے سامراجی دور کی بہت سی خصوصیات گنائیں جن میں سے ایک یہ بھی ہے کہ صنعتی سرمایہ داری زیادہ وسیع ہو کر اجارہ داری کے دور میں داخل ہو گئی ہے۔ اس طرح سرمایہ داروں کا منافع بہت بڑھ گیا ہے جس کا اثر مزدور تحریک پر بھی پڑتا ہے اور جن کے پاس مارکس کے الفاظ میں ”اپنی بیڑیوں کے سوا‘‘ کھونے کے لیے کچھ نہ تھا، وہ اب پہلے سے زیادہ خوش حال ہو گئے ہیں۔ مارکس نے انگلستان میں سرمایہ داری نظام کی تشریح کرتے ہوئے ایک جگہ لکھا تھا کہ انگلستان پہلا ملک ہے جس نے مشین کی بنی ہوئی چیزیں دنیا کے دوسرے حصوں میں پہنچائیں اور اس طرح جو نفع ہوا اس سے مزدوروں کو بھی حصہ ملا، بلکہ بعض ماہر مزدوروں اور سوتی کپڑے کی صنعت میں کام کرنے والوں کا معیار زندگی دوسرے ممالک کے مزدوروں سے کافی بڑھ گیا۔ اور یہ طبقہ اپنے کو سرمایہ داروں کی لوٹ کھسوٹ سے وابستہ کرنے لگا۔ لینن نے بتایا کہ یہ صورت ہر اس سرمایہ دار ملک میں پیش آتی ہے جو سامراجی دور میں داخل ہو جاتا ہے اور مزدور جو خوش حال ہو جاتے ہیں (خاص طور پر اس گروہ کے لیڈر) وہ موقع پرست بن جاتے ہیں اور موقع ملنے پر اپنے پورے طبقہ کی طرف سے مل مالکوں سے سمجھوتہ کر لیتے ہیں۔۱؎ کس قدر عجیب ہے یہ تاویل جس کے ذریعہ تاریخ کے مادی نظریہ کی صفائی پیش کی گئی ہے اور ا ایمل برنس، دھات از مارکسزم ، صفحہ ۷۲ (بمبئی ۱۹۵۲)