سنت حد میبہ

سیاق کے اعتبار سے اس کا مطلب یہ ہے کہ اللہ تعالیٰ نے اس دنیا میں فتح ان لوگوں کے لئے مقدر کی ہے جو مذکورہ بیان کے مطابق ، معاملات میں متقیانہ روش اختیار کریں۔ اس کے بجائے جو لوگ معاملات میں غیر متقیانہ روش پر چلیں ان کے لئے خدا کی اس دنیا میں صرف مغلوبیت مقدر ہے۔ حدیبیہ کا واقعہ اس معاملہ کی ایک تاریخی مثال ہے۔ اس وقت اہل ایمان نے متقیانہ روش اختیار کی۔ چنانچہ انھیں آخر کار فتح حاصل ہوئی۔ اور قریش نے غیر متقیانہ روش اختیار کی۔ اس کا انجام یہ ہوا کہ وہ مفتوح اور مغلوب ہو کر رہ گئے۔ حدیبیہ کا واقعہ گزری ہوئی تاریخ کا واقعہ نہیں۔ وہ ایک زندہ تاریخی نمونہ ہے۔ وہ ہر دور کے خدا پرستوں کو بتاتا ہے کہ نزاعی معاملات میں وہ کون سا طریقہ ہے جو ان کی کامیابی کی یقینی ضمانت ہے۔ یہ ہے نزاعی معاملہ کو وقار کا سوال نہ بنانا ، بلکہ اس کو تقویٰ کی اسپرٹ کے تحت حل کرنا۔