مراکو کا سفر

کہ ایک شخص کی عالمانہ باتوں کو سن کر کسی نے اس سے پوچھا، کیا تم نے فاس میں علم حاصل کیا ہے۔ اس نے کہا نہیں علم آدمی کے سر میں ہوتا ہے نہ کہ شہر فاس میں (من تعلمت فی فاس ۔ العلم فی الراس لا فی الفاس) جدید فاس موجودہ زمانہ کے شہروں کی طرح ہے۔ مگر قدیم فاس تاریخی آثار سے بھرا ہوا ہے۔ سڑکوں سے گزرتے ہوئے متعدد مسجدیں دکھائی دیں۔ یہاں کی مسجدوں کا طرز بالکل مختلف ہے۔ مینار صرف ایک ہوتا ہے جو ایک کونہ پر بنایا جاتا ہے۔ فاس مکمل طور پر ایک تاریخی شہر معلوم ہوتا ہے۔ یہاں قدیم طرز کی عمارتیں، شاہانہ نشست گاہیں، اور قلعے اس کی گزری ہوئی عظمت کی یاد دلاتے ہیں۔ یہاں کی مشہور جامعہ القروین بھی دیکھی۔ یہ بہت بڑے رقبہ میں یونیورسٹی کے انداز پر بنائی گئی تھی۔ یہاں عظیم الشان مدرسہ اور اس کے ساتھ عظیم الشان مسجد ہے۔ قدیم زمانہ میں مسلمانوں کی بنائی ہوئی گھڑیاں، اصطرلاب وغیرہ آج بھی سیاحوں کی دلچسپی کا مرکز بنے ہوئے ہیں۔ تعمیرات قدیم اسپینی محلات کے طرز کی نظر آئیں۔ ہمارے گائیڈ نے جامعہ القروین کی تفصیل بتاتے ہوئے کہا کہ اس تعلیم گاہ کا معیار اتنا بلند تھا کہ یہاں صرف وہی شخص داخل ہو سکتا تھا جس کو مہارت حاصل ہو (ولا يدخل فی هذا المركب الا من کان له مهارة العلم، یورپ کے آئے ہوئے ایک صاحب سے میں نے ان کا تاحثر پوچھا تو انہوں نے کہا: The glory which was Islam, has now become a tourist attraction. جو چیز ماضی میں اسلام کی عظمت تھی وہ آج صرف سیاحوں کی دلچسپی کا مرکز بن کر رہ گئی ہے۔ ہم نے جمعہ کی نماز یہاں کی قدیم جامع مسجد میں پڑھی۔ اس کا طرز تعمیر بالکل وہی تھا جو اسپین کے الحمرا میں پایا جاتا ہے۔ فاس میں یہودیوں کا بھی ایک محلہ موجود ہے۔ یہ لوگ پہلے قدیم فاس میں تھے اب وہ جدید فاس میں آباد ہو گئے ہیں۔ اس سفر کی ایک ”دریافت“ روم ائیرپورٹ کے ایک اطالوی افسر تھے۔ ان کا نام و پتہ یہ ہے: Mr. Marchetti, Bartolomeo, Via Scarperia 9, 00146 Rome, Italy انہوں نے جاتے ہوئے اور واپسی میں روم ائیر پورٹ پر غیر معمولی تعاون کیا۔ ساری تفصیل بیان کرنا مشکل ہے، صرف دو باتوں کا تذکرہ مناسب ہوگا۔ دہلی سے روم کے سفر میں ایر انڈیا کی بوئنگ ۷۴۷ کی اکانومی کلاس اگر چہ بڑی حد تک بھری ہوئی تھی۔ مگر ۱۴ سیٹ کے فرسٹ کلاس کیبن میں میں اکیلا مسافر تھا۔ مگر واپسی