ناقابل فہم

ناقابل فہم مسلمان میں جو لوگ سلمان رشدی کے قتل کی وکالت کر رہے ہیں وہ شتم رسول کے مسئلہ کو اس طرح بیان کرتے ہیں گویا کہ یہ کوئی عام اور مطلق حکم ہے۔ یعنی یہ کہ جب بھی کوئی شخص رسول پر سب وشتم کرے، اس کو فوراً قتل کر دیا جائے۔ از روئے مسئلہ اس میں مسلم اور غیر مسلم کی تخصیص نہیں۔ اسی طرح اس کا تعلق کسی ایک پیغمبر سے بھی نہیں ہے بلکہ تمام پیغمبروں سے ہے۔ قرآن میں جن پیغمبروں کا ذکر ہے ان میں سے کسی ایک پیغمبر پر سب شتم کرنا فوراً آدمی کو گردن زدنی قرار دے دیتا ہے۔ اگر شتم کے اس مسئلہ کو صحیح مان لیا جائے تو یہ ثابت ہوتا ہے کہ صدیوں سے تمام علماء اور تمام مسلم حکمران اس معاملے میں مجرمانہ غلطی کرتے رہے ہیں۔ کیونکہ بار بار سب وشتم کا واقعہ ہونے کے باوجود انھوں نے اس مسئلہ پر عمل نہیں کیا۔ نہ علماء نے قتل کے فتوے دیے، اور نہ حکمرانوں نے ایسے لوگوں کو قتل کرایا۔ جن علماء اور فقہاء کے یہاں یہ مسئلہ ہے کہ سب وشتم کرنے والا شخص واجب القتل ہے، وہ ان کے نزدیک صرف پیغمبر اسلام صلی اللہ علیہ وسلم کے لیے نہیں ہے بلکہ خدا کے تمام پیغمبروں کے لیے ہے۔ امام ابن تیمیہ نے اپنی کتاب میں ایک مستقل باب اس عنوان کے تحت قائم کیا ہے کہ: فَصْلٌ ؀ اِلحُکْمُ فِي سَبِّ سَائِرِ الأَنْبِيَاءِ كَالْحُكْمِ فِي سَبِّ نَبِيِّنَا اس باب کے تحت ابن تیمیہ نے لکھا ہے کہ تمام پیغمبروں کو سب وشتم کرنے کا وہی حکم ہے جو ہمارے پیغمبر کو سب وشتم کرنے کا حکم ہے۔ پیغمبروں میں سے جس پیغمبر کو بھی کوئی شخص سب وشتم کرے وہ کافر ہے اور اس کا خون حلال ہے۔ (اِلحُکْمُ فِي سَبِّ سَائِرِ