اسلام کا طریقہ حقیقت پسندی کا طریقہ ہے

اسلام کا طریقہ حقیقت پسندی کا طریقہ ہے نہ کہ حالات کا اندازہ کئے بغیر چھلانگ لگانے کا قرآن میں ارشاد ہوا ہے : أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا ۚ وَإِنَّ اللَّهَ عَلَىٰ نَصْرِهِمْ لَقَدِيرٌ (ج ۳۹) ان لوگوں کو لڑنے کی اجازت دے دی گئی جن سے لڑائی کی جاتی ہے ، اس لئے کہ ان پر ظلم ہوا اور بلاشبہ اللہ ان کی مدد کرنے پر قادر ہے۔ مکہ کے مشرک مسلمانوں کو بہت تکلیفیں دیتے تھے۔ وہ رسول اللہ صلی اللہ علیہ وسلم کے پاس آتے تو کسی کا سر پھٹا ہوتا ، کوئی زخمی ہوتا ، کوئی چوٹ کھایا ہوا ہوتا۔ وہ آپ سے شکایتیں کرتے۔ مگر آپ کا جواب صرف یہ ہوتا: صبر کرو مجھے ابھی لڑنے کا حکم نہیں دیا گیا ہے (اصبروا فانی لم اومر بالقتال ، تفسیر النسفی)۔ اسی حال میں تیرہ برس گزر گئے ۔ پھر ہجرت کے دوسرے سال مدینہ میں قتال کی ہدایات بھیجی گئیں۔ عبدالرزاق ، عبد بن حمید، ترندی، نسائی، ابن ماجه ، بزّار ، ابن جریر ، ابن المنذر ، ابن ابی حاتم ، ابن حبان ، حاکم ، ابن مردویہ اور بیہقی نے دلائل میں عبداللہ بن عباس کے حوالہ سے بیان کیا ہے کہ کچھ اوپر ستر آیات میں قتال کی ممانعت کے بعد اجازت کی یہ پہلی آیت قرآن میں نازل ہوئی (هی اول آیة أذن فيها بالقتال بعد ما نھی عنہ فی نيف وسبعين آية) یہاں یہ سوال ہے کہ مسلمانوں پر ظلم تو مکہ کی دور میں اپنی بدترین شکل میں ہورہا تھا، اور اللہ بلاشبہ اس وقت بھی مسلمانوں کی نصرت پر پوری طرح قادر تھا۔ پھر مکہ میں "قتال" کی اجازت کیوں نہ دی گئی۔ اس کی وجہ یہ ہے کہ خدا کے قانون کے مطابق مسلمان ابھی اتنے طاقتور نہ ہوئے تھے کہ ان کا کوئی اقدام فیصلہ کن نتیجہ تک پہنچ سکتا۔ ہجرت کے بعد جب مسلمانوں کی طاقت اس معیار کو پہنچ گئی کہ ان کا اقدام یوم الفرقان (انفال ۔ (۴) کو وجود میں لانے کے ہم معنی بن سکے توڈ بیٹھکی کی اجازت دے دی گئی ۔ پچھلے ڈیڑھ سو برس سے اسلام کے علم بردار جس طرح اپنے مفروضہ حریفوں سے ٹکرا رہے ہیں اور نقصان ہر بار اسلام کے علم برداروں کے حصہ میں آتا ہے ، وہ اس قرآنی اصول کی صریح خلاف ورزی ہے۔ حقیقت یہ ہے کہ یہ تمام اقدامات محض نادانی کے اقدامات تھے ، اگر چہ غلط طور پر ان کو " اسلامی جہاد " کا مقدس نام دے دیا گیا ۔